María Isabel Míguez González

Breve CV

Licenciada en Publicidade e Relacións Públicas pola Universidade de Vigo (2001). Doutora pola Universidade de Vigo (2006). Docente no ámbito universitario desde o curso 2005/2006. Actualmente é Profesora Titular na Universidade de Vigo, onde imparte docencia no Grao en Publicidade e Relacións Públicas, do que foi coordinadora durante catro anos (2013-2017). Os seus intereses de investigación céntranse nas relacións públicas, dirección de comunicación, comunicación e saúde, comunicación e turismo. É coordinadora do grupo SEPCOM, de investigación en comunicación para o servizo público, e autora máis de 70 publicacións (artigos, traballos en congresos, capítulos e un libro), así como participante en varios proxectos de investigación de financiación autonómica e local e en tres proxectos do Plan Nacional de I+D+i. Forma parte do grupo de innovación docente DIXITAIS e actualmente é Secretaria da Facultade de Ciencias Sociais e da Comunicación da Universidade de Vigo.